16. oktober 2001 UKA2001/16
Piniarneq aallaaniarnerlu pillugit Inatsisartut inatsisaata
allanngortinneqarneranik Inatsisartut inatsisissaattut siunnersuut
pillugu
Inatsisartut Aalisarnermut, Piniarnermut Nunalerinermullu Ataatsimiititaliaata
ISUMALIUTISSIISSUTAA
siunnersuutip aappassaaneerneqarneranut saqqummiunneqartoq
Inatsisartut Aalisarnermut, Piniarnermut Nunalerinermullu Ataatsimiititaliaat suliarinninnermini ukuninnga inuttaqarpoq:
Inatsisartuni ilaasortaq Johan Lund Olsen, Inuit Ataqatigiit, siulittaasoq
Inatsisartuni ilaasortaq Lars Karl Jensen, Siumut, siulittaasup tullia
Inatsisartuni ilaasortaq Simon Olsen, Siumut
Inatsisartuni ilaasortaq Augusta Salling, Atassut
Inatsisartuni ilaasortaq Mads Peter Grønvold, Kattusseqatigiit
Inatsisartut ataatsimiititaliaat UKA2001-imi Piniarneq aallaaniarnerlu pillugit Inatsisartut inatsisaata allanngortinneqarneranik Inatsisartut inatsisissaattut siunnersuut nassuiaatitai ilan-ngullugit misissuataarpaa.
Tusarniaanermit akissutisiat
Siullermeerinninnerup kingorna Aasiaat Kommuniannit aamma KNAPK-mit tusarniaanermit akissutinik Naalakkersuisut nassiussipput. Tamatuma saniatigut Aalisarnermut, Piniarnermut Nunaqarfinnullu Pisortaqarfiup KNAPK-p tusarniaanermit akissutaanut oqaaseqaatai tiguai.
Ataatsimiititaliap sulinera
Inatsisissatut siunnersuut ataatsimiititaliap ataatsimiinnerni marlunni oqaluuseraa.
Inassuteqaatit naalakkersuinikkullu oqaaseqarfiginninnerit
Inatsisissatut siunnersuutip nr. 2-a, paragraf 4a-mik ikkussinissamik siunnersuummut tunngasoq, innersuussutigalugu ataatsimiititaliap pisariaqartutut isigaa isumaginninnermi paaqqinnittarfiit inuussutissarsiutigalugu piniarnermut allagartaqartut piniagassanik sorlernik piniarsinnaanissaasa killiliivigineqarnissaa pillugu ilanngussisoqarnissaa.
Ataatsimiititaliaq isumaqarpoq isumaginninnermi paaqqinnittarfiit inuussutissarsiutigalugu piniarnermut allagartaqarnikkut periarfissaqarnissaq iluaqutigisinnaassagaat, tamatumunngali peqatigitillugu ataatsimiititaliaq isumaqarpoq piniagassat arlallit ilaat killilimmik amerlassuse-qartut, taamaammallu inuussutissarsiutigalugu piniartunut taakku naatsorsuunneqartariaqartut. Aalajangersimasunut tunngatillugu ataatsimiititaliaq isumaqarpoq isumaginninnermi paaqqinnit-tarfiit inuussutissarsiutigalugu piniarnermut allagartaqartut nannunik, aavernik arfernilluunniit angisuunik piniarsinnaatitaasariaqanngitsut. Tamanna pissutigalugu ataatsimiititaliaq allannguu-tissatut siunnersuummik ilanngunneqartumik saqqummiussivoq.
Aamma ataatsimiititaliap pingaartillugu erseqqissarumavaa isumaginninnermi paaqqinnittarfiit § 4a naapertorlugu inuussutissarsiutigalugu piniarnermut allagartamik immikkut akuersissuteqar-nikkut tunisariaqalersinnaasut tassaasariaqartut isumaginninnermi paannittarfiit, inunnik peror-saanerminni piniarnermik aallaaniarnermillu periaatsinik ukioq kaajallallugu atuisut. Taamaalil-luni ataatsimiititaliaq isumaqarpoq isumaginninnermi paaqqinnittarfinnut piniarnermik aallaani-arnermillu killilimmik atuisut immikkut akuersissuteqarfigineqartariaqanngitsut. Assersuutigalu-gu isumaginninnermi paaqqinnittarfik ukiumut ataasiarluni qaammammik ataatsimik sivisussusi-limmik piniariartitsisartoq, tamatumali saniatigut piniarnermik aallaaniarnermillu ukiup sinnera-ni sammisaqartitsineq ajortoq.
Tamatuma kingorna Piniarneq aallaaniarnerlu pillugit Inatsisartut inatsisaata allanngortinneqar-neranik Inatsisartut inatsisissaattut siunnersuut allannguutitassaatut siunnersuutigineqartut ilanngullugit akuerineqaqqullugu ataatsimiititaliap inassutigissavaa.
Taama oqaaseqarluni Inatsisartut Aalisarnermut, Piniarnermut Nunalerinermullu Ataatsimiititali-aata Piniarneq aallaaniarnerlu pillugit Inatsisartut inatsisaata allanngortinneqarneranik Inatsisar-tut inatsisissaattut siunnersuut aappassaanigassanngortippaa.
Johan Lund Olsen,
siulittaasoq
Lars Karl Jensen Simon Olsen
Augusta Salling Mads Peter Grønvold
Piniarneq aallaaniarnerlu pillugit Inatsisartut inatsisaata
allanngortinneqarneranik Inatsisartut inatsisissaattut siunnersuummut
a l l a n n g u u t i s s a t u t s i u n n e r s u u t
Inatsisartut Aalisarnermut, Piniarnermut Nunalerinermullu Ataatsimiititaliaannit
saqqummiunneqartoq
§ 1-imut
1. Nr. 2-mi siunnersuutigineqartutut § 4a, imm. 1-ip, oqaasertalerneqarnerani oqaaseqatigiit aappaattut ilanngunneqassapput:
"Aalajangersagaq una malillugu inuussutissarsiutigalugu allagartamik immikkut akuersissuteqar-nermi Naalakkersuisut uumasut aalajangersimasut aallaaniarneqarsinnaanerat killiliivigisinnaa-vaat mattussinnaalluguluunniit."
N a s s u i a a t i t
Nr. 1-imut
Siunnersuuteqartut oqaatigaat piniagassat arlaqartut killilimmik amerlassuseqartut. Taamaammat taakku inuussutissarsiutigalugu piniartunut naatsorsuusaasariaqarput, taamaammallu allannguu-tissatut siunnersuutikkut siunnersuutigineqarluni aalajangersakkamik ilanngussisoqarnissaa, taamaaliornikkut Naalakkersuisut isumaginninnermi paaqqinnittarfiit inuussutissarsiutigalugu aallaaniarsinnaanermut allagartallit uumasunik aalajangsimasunik aallaaniarsinnaanerannik killiliisinnaasunngortinneqarlutik mattussisinnaasunngortinneqarlutilluunniit.